Skip to Content

Fyrirlestur um algebru á netum og net í algebru - Arnbjörg Soffía Árnadóttir

10. febrúar 2026 - 14:28 — bsm

Miðvikudaginn 18. febrúar mun Arnbjörg Soffía Árnadóttir, nýdoktor við Háskóla Íslands halda fyrir lestur um algebru á netum. Fyrirlesturinn hefst 17:00 í stofu V-157, VR-II, Háskóla Íslands. Eins og venja er mun vera heitt á könunni frá 16:30.

Titill: Algebra í netum og net í algebru

Ágrip: Tilgangur þessa fyrirlestrar er að veita nasasjón af heimi algebrískrar netafræði. Við munum skoða ýmsa algebríska eiginleika neta, svo sem eins og eigingildi, netamótanir, sjálfmótanagrúpur o.fl. og skilgreinum einnig Cayley net grúpna.

Aðalfundur 2026

20. janúar 2026 - 13:36 — bsm

Kæru félagar.

Aðalfundur Íslenska stærðfræðafélagsins verður haldinn miðvikudaginn 28. janúar klukkan 17:00 í stofu 155 í VR-II, HÍ, við Hjarðarhaga.

Dagskrá fundarins verður sem hér segir:

1. Kosning fundarstjóra og fundarritara.
2. Skýrsla stjórnar flutt.
3. Samstarfsverkefni félagsins á erlendum vettvangi.
4. Endurskoðaðir reikningar lagðir fram til afgreiðslu.
5. Umsóknir um félagsaðild bornar upp.
6. Kosning stjórnarmanna.
7. Kosning skoðunarmanns reikninga.
8. Ákvörðun árgjalds.
9. Önnur mál.

Jólafundur Íslenska stærðfræðafélagsins - 29. desember

28. desember 2025 - 10:29 — bsm

Jólafundur Íslenska stærðfræðafélagsins verður haldinn þann 29. desember kl. 16:00 í stofu 132 í Öskju, Háskóla Íslands.

Fundurinn hefst með kaffi og konfekti kl. 16:00 og í framhaldinu flytur formaður félagsins stutt yfirlit yfir starfsemina á árinu. Svo kl. 16:30 mun Eyvindur Ari Pálsson halda fyrirlestur sem ber heitið Fjarlægðartilgáta Falconers.

Styrkir úr Minningarsjóði Hjalta Þórs Ísleifssonar

14. október 2025 - 9:08 — bsm

Stjórn Minningarsjóðs Hjalta Þórs Ísleifssonar stærðfræðings auglýsir eftir umsóknum um styrki í sjóðinn.

Minningarsjóður Hjalta Þórs Ísleifssonar var stofnaður í upphafi árs 2024 af Heiði Hjaltadóttur, móður Hjalta Þórs, en hann féll frá 15. desember 2023. Tilgangur sjóðsins er að hvetja efnilega stærðfræðinema til dáða og gefa þeim tækifæri til framhaldsnáms í stærðfræði.

Nemendur sem lokið hafa kröfum fyrstu tveggja námsára í stærðfræði við Háskóla Íslands eiga kost á að sækja um styrki í sjóðinn.

Stærðfræði á Íslandi 2025

Tími: 
18. október 2025 - 11:00
Staðsetning: 
Reykjaskóli, Hrútafirði

Kæra félagsfólk,

Helgina 14.-15. október verður haldin stærðfræðiráðstefna á vegum félagsins á Reykjum í Hrútafirði. Dagskráin hefst um hádegi á laugardegi og lýkur um kaffileytið á sunnudegi.

Laugardagurinn 18. október

11:00 - 12:00 Mæting og skráning. Munið að taka með rúmföt og handklæði.
12:00 Hádegisverður
13:10 Ráðstefnan sett
13:20 - 13:40 Benedikt Steinar Magnússon - Orðaskrá Íslenska stærðfræðafélagsins
13:50 - 14:50 Bjarnheiður Kristinsdóttir - Kynning á aðferðum hugsandi skólastofu
15:00 - 15:30 Kaffi

Úthlutun úr verðlaunasjóði Sigurðar Helgasonar

3. október 2025 - 20:00 — bsm

Verðlaunasjóður Sigurðar Helgasonar veitti tveimur nemendum í stærðfræði viðurkenningu 2. október síðastliðinn fyrir góðan námsárangur. Viðurkenninguna hlutu Alexander K. Bendtsen og Benedikt Vilji Magnússon, nemendur á þriðja ári í stærðfræði við Raunvísindadeild Háskóla Íslands. Heildarupphæð verðlaunanna nemur 12.500 bandaríkjadölum, jafnvirði rúmlega 1,5 milljónum króna.

Sjá nánar hér: https://hi.is/frettir/tveir_verdlaunadir_fyrir_frabaeran_arangur_i_staer...

Stærðfræði á Íslandi

3. október 2025 - 11:38 — bsm

Helgina 18.-19. október verður haldin stærðfræðiráðstefna á vegum félagsins á Reykjum í Hrútafirði. Dagskráin hefst um hádegi á laugardegi og lýkur um kaffileytið á sunnudegi.

Þátttökugjald er 28.000 kr og innifalið í gjaldinu er einnig kaffi og með því í hléum, hádegismatur á laugardegi og sunnudegi, kvöldverður á laugardagskvöldi og morgunmatur á sunnudeginum. Við vekjum athygli á því að drykkir eru ekki seldir á staðnum en þátttakendum er heimilt að taka þá með.

Jólafyrirlestur Íslenska stærðfræðafélagsins

21. desember 2024 - 11:44 — bsm

Jólafundur Íslenska stærðfræðafélagsins verður haldinn þann 30. desember kl. 16 í stofu 132 í Öskju, Háskóla Íslands.

Fundurinn hefst að venju á kaffispjalli og í framhaldinu flytur formaður félagsins stutt yfirlit yfir starfsemina á árinu. Svo mun Gunnar Þór Magnússon halda jólafyrirlestur sem ber heitið Málsvörn meðaltals.

Fyrirlestur um erfðir þátttöku í rannsóknum - Stefanía Benónísdóttir

21. nóvember 2024 - 15:23 — bsm

Fimmtudaginn 28. nóvember mun Stefanía Benónísdóttir, nýdoktor við Háskóla íslands halda fyrir lestur um erfðir þátttöku í rannsóknum. Fyrirlesturinn hefst 17:00 í stofu V-157, VR-II, Háskóla Íslands. Eins og venja er mun vera heitt á könunni frá 16:30.

Titill: "Erfðir þátttöku í rannsóknum" (E: The genetics of participation")

Eystrasaltskeppnin 2024

21. nóvember 2024 - 15:19 — bsm

Dagana 14-18. nóvember fór Eystrasaltskeppnin í stærðfræði fram í Tartu í Eistlandi. Keppnin dregur að sér ungt og efnilegt stærðfræðifólk frá öllum löndum við Eystrasalt, auk Íslands, Noregs og eins gestalands sem í ár var Úkraína.

Syndicate content


by Dr. Radut.